Nagtalinaed a nakalukat dagiti tourist spots ti Ilocos Norte malaksid iti barangay Saud iti a Pagudpud no sadino a residente ti nagpositibo iti COVID 19 a maysa nga utility worker ti munisipio.
Kuna ni Gob. Matthew Marcos Manotoc a silulukat ken mabalin a pagpasiaran dagiti dadduma a tourist spots iti prbinsia.
Inbatadna nga awan ti rason tapno maparekpan dagiti napipintas a lugar a mabalin a pagpasiaran iti agdama dagiti Ilocano.
Inlawlawagna a nawaya dagiti Ilocano a mapan agpasiar kadagiti tourist spots iti Ilocos Norte ngem istrikto ti probinsia nga agpastrek kadagiti taga sabsabali a lugar wenno probinsia tapno maliklikan iti mabalin a pannakaapektar ti virus.
Inalay-ayan ti gobierno iti panagdanag dagiti kailian a rumuar a mapan agpasiar tapno makalang-ab iti presko nga angina gapu ti kellaat a pannakakumpirma iti uppat a nagnegatibo iti covid-19.
Dagiti kaudian ket maysa a taga laoag City, dua a taga Pagudpud ken maysa manen a taga Vintar.
Kunana a dagitoy ket adda da metten kadagiti quarantine facilities nga agpapaimbag ken saan dan a makaakar. (Irene Ringor, Â RPN DZRL Batac Correspondent)
(Source: Provincial Government of Ilocos Norte)