Davao City – Arestado ang giilang top 1 drug watchlist sa Davao City ug Top 2 sa Regional XI human gikasa ang drug buy bust operation sa pagpanguna ni Police Major Ma. Teresita Gaspan, Station Commander sa Blk 5, Marietta Village, Tibungco, Davao City.
Giila ang suspek nga si Bryan Mupac alyas Bryan 36-anyos, electrician ug taga barangay Tibungco, Davao City.
Nakuha sa posisyon sa suspek ang usa ka pakete sa gituohang shabu nga nagkantidad ug 5grams ug nag kantidad og P34,000 pesos samtang nakuha usab ang laing pakete nga motimbang ug 50grams kantidad og P340,000 pesos, 4 ka mga gagmaymg sachet nga motimbang ug 20.10 grams nga nagkantidad ug P136,680 pesos ug 6 pa ka sachet 6.10 grams kantidad og P41,480 pesos, .38 revolver ug 2 ka mga bala.
Sa karon, himas rehas ang suspek ug magatubang sa kasong RA 9165 Comprehensive Dangerous Drugs Act of 2002 ug RA 10591 Illegal Possession of Firearms. (Camille Santos Naraga)
(Source: DCPO)