Police Regional Office 12 – Himas rehas na karon sa silda sa kapulisan ang usa ka Top 8 regional most wanted person kansa malampuson nga nasikop sa mga sakop sa General Santos City Police Station 2 inabagan sa Regional Intelligence Division 12 ug Regional Special Operations Group 12 niadtong February 8, 2024.
Ang suspek giila lang ug alias “JE”, 20 anyos, residente sa Balot Island, Davao Occidental.
Nasikop ang nasampit pinasikad sa warrant of arrest sa kaso niining murder nga may criminal case no. 23-36440 kansa giisyu sa Regional Trial Court 12th Judicial Region Br. 59, General Santos City.
Sa karon, commitment order nalang ang gipaabot aron nga mabalhin na ang nasampit sa Gensan City Jail. ( Geovanni Pasco )