Davao City – Patay ang giilang Top 5 sa iligal nga droga human kini nakipag pinusilay sa kapulisan atol sa drug buy bust operation sa Minterbro, Barangay Ilang, Davao City.
Giila ang napatay mga suspek nga si alyas “BOSS”
Sumala sa report, napalitan ang suspek ug duha ka sachet sa gituohang shabu dihang nahibal-an niini mga pulis iyahang ka transact paspas kining midigan sa mangrove area ug nagpabuto sa bitbit nga pusil.
Dugang niini, nanawag ug back-up ang kapulisan ug na corner ang suspek mihangyo pa ang kapulisan mga mosurrender kini apan nagpabuto ang suspek isip depensa miresbak ang kapulisan ug naigo ang biktima.
Gilayong gidala sa balay tambalanan ang suspek apan nakabsan kini saiyahang kinabuhi.
Base sa report sa kapulisan, unang nakapalit og duha ka sachets nga adunay shabu ang poseur buyer nga pulis ug dihang nagpaila na ang usa pa ka pulis ngadto sa suspek aron unta arestohon kini midagan hinuon si alyas boss ug ang dili moubos sa napulo ka mga kaubanan padulong sa mangrove area sa lugar ug nagpakita pa og armas ug nagpabuto tunong sa pulis apan wala makaigo.
Nanawag na og back-up sa ilang kabaro ang pulis nga naa sa lugar sanglit area of responsibility kini sa Bunawan Police Station ug ang nagpahigayon sa buy bust mao ang mga pulis sa Sasa ug dihang miabot ang resbak nga pulis nagka-engkwetro.
Narekober sa kapulisan ang .45 pistol nga giingong gigamit sa suspek, bala ug naa pay mga fired cartridge bullet kon basyo sa bala sa .45 ug .9mm pistol sa crime scene. (Camille Santos Naraga)
(Source: DCPO)