Davao City – Sikop ang tulo ka mga indibidwal atol sa gikasang drug bust operation sa mga sakop sa Philippine Drug Enforcement Agency Regional Office XI kauban ang National Bureau of Investigation XI SEMRO sa South Bay Road, Barangay Lapu-lapu, Agdao district.
Giila sa kapulisan ang suspek nga silas Marvin Magusara 34-anyos giilang Number 1 sa drug watchlist sa Davao City, Romel Talara, 25-anyos giila usab isip Number 2 Drug Personality sa Davao City ug Semaco Serad alyas Kokoy 44-anyos.
Atol sa operasyon nakuha sa mga sakop sa PDEA ang 5grams sa gituohang shabu nga mukantidad og P34,000 pesos.
Sa karon himas rehas ang mga suspek ug magatubang sa kasong pagsupak sa Republic Act 9165 o Comprehensive Dangerous Drugs Act of 2002. (Camille Santos Naraga)
(Source: NBI XI SEMRO)