Laing 10 ka barangay sa tibuok rehiyon ang malampusong nadeklarar nga drug-cleared.
Kini ang gipagula nga report ni PBGEN LAWRENCE B COOP, Regional Director, PRO10 sa iyang pamahayag nagkanayon nga ang total cleared barangays anaa na sa 1,416 o 75.76% sa kinatibuk-ang barangay nga na-tag isip drug-affected.
Ang Regional Oversight Committee on Barangay Drug Clearing (ROCBDC) pinangulohan sa PDEA ug uban pang mga sakop nagtuki niining 10 ka mga Barangay gikan sa lain-laing probinsya sa Rehiyon 10 ug nag-validate nga kining mga barangay nakab-ot ang mga parameter sa usa ka drug-cleared barangay: Brgy. Poblacion, Malitbog, Bukidnon; Ang Brgy. Diclum, Manolo Fortich, Bukidnon; Ang Brgy. San Miguel, Maramag, Bukidnon; Ang Brgy. Durian, San Fernando, Bukidnon; Ang Brgy. Kahaponan, Valencia City, Bukidnon; Ang Brgy. Pagayawan, Bacolod, Lanao del Norte; Ang Brgy. Dumarat, Balingasag, Misamis Oriental; Ang Brgy. 21, Gingoog City; Ang Brgy. Tinulongan, Gingoog City; ug Brgy. Ulab, Gitagum, Misamis Oriental.
Dugang pa niya nga ang PNP PRO10, uban sa koordinasyon sa PDEA ug uban pang ahensya sa pagpatuman sa balaod, komitado sa paghawan sa nahabilin nga mga barangay nga apektado sa droga.
Written by Cheleste Simene
Photo courtesy of Police Regional Office 10