Davao City – Sikop ang usa ka scammer kinsa gipresenta sa mga personahe sa NBI-Semro sa usa ka presscon ganiha, Mayo 9, sa Dakbayan sa Davao.
Dinakpan mao si Jovanni Uy Faustino, nga may kasong paglapas sa Article 315 o Large Scale Estafa.
Sumala sa report, nga ang modus niini mang-enganyo og mga investors nga mouban kaniya alang sa night market.
Apan human makuha ang pagsalig sa investors nga migahin sa ilang salapi otomatiko kining mawater.
Nakuha sa posisyon sa dinakpan ang marked money nga muabot sa kapin usa ka milyon ka pesos.
Samtang, gidasig sab sa ahensiya kadtong mga nabiktima niini nga mopatima-aw sa ilang buhatan aron matabangan sa pagduso sa kaso batok sa suspek. (Camille Santos Naraga)
(Source: NBI-Semro)