Gilungkab sa waya mailhing suspetsado an isa ka tindahan human madiskobrehan kagahapong adlawa Abril 2, 2020 sa alas 9:30 ang takna sa buntag sa may Diez st, atubangan sa Surigao City Public Market, Brgy. Taft, Surigao City.
Ang maong tindahan gipanag-iyahan ni Biao Zong Shi, 38 anyos, negosyante, tag-ija sa J and T Express, residente sa Kaimo st., Brgy. Washington, Surigao City.
Sa imbestigasyon sa kapulisan nasayran nga namatikdan na lamang sa tag-ija nga nangawaya na an pipila ka mga cellphone sanan mga gadget nga nakadisplay sa maong tindahan. Gibana-bana ngadto sa ₱100, 000 ka pesos ang kantidad sa mga nakawat.
Dugang pa sa gisaysay sa biktima nga posibling isa ka menor de edad ang miagi sa may aircon nga bahin rason nga nakasuyod an suspetsado. Sa pagkakuman nagpadajun pa an gihimo na follow up operation sa Theft and Robbery unit para sa posibling pagkilaya sanan pag-aresto sa suspetsado. (Mark James Lisondra, Ronda 21 RPN DXKS)
Picture ni Police Major Tessiel Moleta sa Press Conference kagahapon.