Tila pagkaladkad ng int’l media kay Duterte sa isyu ng pagsasara ng ABS-CBN pinalagan ni Andanar

Pinalagan ni Presidential Communications Operations Office (PCOO) Secretary Martin Andanar ang tila pagkaladkad ng international media sa Pangulong Rodrigo Duterte sa isyu ng pagsasara ng ABS-CBN.

Ayon kay Andanar, walang factual basis at false narrative ang iniuulat ng international media na bunga ng galit ng pangulo sa ABS-CBN ang pagtigil ng kanilang operasyon.

Binigyang diin ni Andanar na itinigil ang operasyon ng ABS-CBN dahil wala itong prangkisa at hindi dahil sa galit ng pangulo.

Hindi rin anya ito usapin ng press freedom kundi usapin ng legislative franchise.