Cagayan de Oro – USA ka tigum sa mga punong barangay ang gipahigayon kalabot sa adbokasiya sa Early Childhood Care and Development (ECCD), kagahapong adlawa,Pebrero 21, diha sa Cronin Hall, Cathedral Compound, ning siyudad.
Atol sa maong tigum, gihisgustan ni UNICEF-Philippines ECCD Specialist Psyche Vetta Olayvar ug University of the Philippines Center for Women’s Studies Foundation Inc Project Manager Dr. Excelsa Tongson, ang mga key issues sa ECCD program dinhi sa siyudad.
Gipahibalo usab ni Committee on Social Services Chairperson City Councilor Girlie Balaba nga aduna siya’y gipanday nga usa ka ordinansa aron madugangan ang mga pribilihiyo sa Child Development Teachers, lakip ang pagpabilin kanila sa panahon nga magbag-o ang administrasyon.
Tumong sa tigum nga mahibaloan sa mga punong barangay ang ilang papel sa pag-atiman sa ECCD program, ilabina ang ilang mga Child Development Centers ug Child Development Teachers.
Nasayrang usa ang siyudad sa nahimong pilot cities sa tuig 2022 sa UNICEF Philippines, University of the Philippines Center for Women’s Studies Foundation Inc., alang sa assessment ug intervention program sa CDT.
Ang kalihokan gipaluyohan sa City Social Welfare and Development Office pinangunahan ni CSWD Officer Annie Tongson ug Xavier University-Ateneo de Cagayan. Kini natapos pinaagi sa commitment signing nga gilagdaan sa mga punong barangay, mga personahe sa CSWD ug City Councilor Girlie Balaba.
News and photo courtesy of CIO CDO