Cebu City – Mipadayag sa ilang hiniusang pagsupak sa pagpatuman ug lockdown sa Cebu Island ang gobernador sa lalawigan sa Sugbo uban sa mga mayor sa kalungsoran ug sa mga syudad.
Karon lang, gipa-ubos na ang tibook Cebu Island sa Modified Enhance Community Quarantine (MECQ), nga ang effectivity karong Agosto 1-31, 2021.
Sa labing uwahing IATF resolution, lakip na nga gipa-ubos sa MECQ ang Cebu City ug Cebu Province.
Suportado si Cebu Governor Gwendolyn Garcia nila ni Acting Cebu City Mayor Michael Rama, Lapu-Lapu City Mayor Junard Chan, Naga City Mayor Kristine Vanessa Chiong ug mga mayor sa kalungsoran ang pagsupak sa lockdown.
Gipahigayon ang maong tigom tali ni Garcia, Regional IATF officials ug mga mayor sa kalungsoran ug syudad sa Sugbo sa Capitol Social Hall, Huwebes, Hulyo 29, 2021.
Ang maong mga opisyal sa Sugbo lakip na ang regional directors kinsa sakop sa Regional Inter-Agency Task Force nagkahiusa alang sa ‘one voice’.
Gi-umol nila ang hiniusang tingog paghangyo o pag apelar sa IATF nga i reconsider ang downgrading sa syudad sa Mandaue ug Lapu-Lapu nga Modified Enhanced Community Quarantine (MECQ).
Gisugyot ni Rama nga sila sa Tri-Cities ug sa Cebu Province, mopirma sa ilang kasabutan aron pag seal sa ilang commitment to ‘move’ and decide on policies as ‘one island.’
Unang gi-aprobahan ang pagpa-ubos sa MECQ ang Syudad sa Lapu-Lapu ug Mandaue. (Jhon Tadlip)
(News & photos courtesy of Cebu Provincial Government | IATF)
