Cagayan de Oro City- Ang Pasahe sa Taxi Nakaapektar pag-ayo sa panudlanan sa publiko hinungdan nga ingon sa gilantaw kini karon nga dili na public transportation kon dili option na lamang. Ug tungod kay mikunhod na man nuon ilang kinitaan, ang mga taxi owners ug drivers gusto na usab kunhoran ang ilang pagsingil sa plitehan sa panghinaut nga mobalik na sab pagsakay ang daghang katawhan.
Niadtong lunes, ang City Council nipaluyo sa tinguha nga kunhuran ang taxi rate sa dakbayan. Ang maong lakang giaprobahan pinaagi sa usa ka resolution nga gipangamahan ni City Councilor Teodulfo Bong Lao taliwala sa pagsupak sa pipila, ug gipadala kini ngadto sa Land Transportation Franchising and Regulatory Board o LTFRB.
Matud ni Lao, ang mga organized taxi drivers and Owners ang nagplano na pagsubmiti sa us aka petition sa pagkunhod sa taxi fares.
Kahinumdum nga niadtong bulan sa Mayo, ang LTFRB miaprobar sa usbaw sa taxi fares nga diin ang flag down rate P40 plus 13.50 matag mosunod nga kilometro. Ang Board Miaprobar usab sa P2 matag minute nga running time.
Hinuon, sa pagka karon gisugilon sa LTFRB-20 nga wala pa silay nadawat nga petition nga nagtinguha pagpakunhod sa plitehan sa taxi dinhi sa CDO.
