30.9 C
Manila
Friday, March 29, 2024

Tatay Ni “Ka Edroy” Patay Human Tagpusil Suyod Sa Bayay

- Advertisement -

Dead on arrival sa hospital an amahan ni “Ka Edroy” human ini tagpusil suyod sa ila bayay kabii. An biktima nakilay-an na si ROLANDO PATIÑO LEYSON Sr., 78 anyos, menyo, residente sa Km. 20, Purok 5, Brgy. San Pedro, Sison, Surigao del Norte.

Sa imbestigasyon ni PSSg. Ariel Dangate sa witness nasayran nga sa may alas 11:30 an takna kagabii jaoy lima ka armadong mga layaki ang nag-ransack dajon misuyod sa ila bayay. Ang isa sa ila an nagdaya nan long firearm na gituohang M16 rifle nga adunay silencer ug laser samtang an tuyo ka mga suspetsado nagdaya usab nan short firearms sanan may isa pa ka layaki nga armado sa M16 rifle an nagpabilin sa gawas sa ila bayay.

Gisinggitan sila na mogawas, pagkahuman, ang biktima na jaon sa suyod nan ija kwarto an nitubag nga “Nganong imo man mi pagawason, unsa may among sala?”. Ang nagdaya nan M16 rifle nga dunay silencer maoy nipusil sa biktima apil na an mga kaibanan an nagpabuto usab sa ilang armas ngadto sa biktima ug dali misibat sa Butuan City nga direksyon sakay sa isa ka Black Fortuner SUV nga sakyanan.

An Scene of Crime Operatives pinaagi sa Surigao del Norte Crime Laboratory na tagpanguyohan ni PLT MARLON M GREPAODO an nakarecover nan 12 ka fired cartridges sa tagtuohang 9mm pistol, 5 fired cartridges sa tagtuohang M16 rifle, unom ka fired bullet sa tagtuohan na 9mm pistol, sanan 1 ka fired bullet sa tagtuohan na M16 rifle. Nakuha sa SOCO an isa ka caliber .22 na pusil na tagtuohang gipanag-iyahan sa biktima.

Gideklarang dead on arrival sa hospital an biktima alas 12:37 an takna kagainang kaadlawon Septyembre 12, 2020 pinaagi ni Dr. Jamallodia S. Demao. Isa ka manhunt operation an gihimo sa mga tinugyanan sa kapulisan sa Sison aron posibleng pagdakop sa mga responsabling suspetsado. Waya pay motibo sa pagpusil patay sa biktima.

Si “Ka Edroy” o Rolando Leyson Jr. may patong sa ulo nga 5.1 million pesos human kini gibutang sa DILG nga wanted sa kasong Arson ug duha ka kasong murder. Siya ang giila nga dakung leader sa CPP-NPA-NDF dinhi sa Northeastern Mindanao. (Mark James Lisondra, Ronda 21 RPN DXKS Surigao)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -