Pinaigetan ti Task Force Salun-at ditoy Ilocos Norte dagiti protocol ti COVID-19.
Daytoy ket agsipud iti agtultuloy nga iyaadu dagiti kaso ti Covid-19 ditoy probinsia.
Nupay kasta, naobserbaran ti task force a dagitoy a kaso ket namungany kadagiti Authorize Person Outside Residence wenno APOR.
Mainaig iti daytoy, gutgutigutenda dagiti APOR pakairamanan dagiti nagawid ken dagiti bimmisita a kakailan a saan unay a rumrumuar ken agliklikan pay laeng dagitoy ti makisangsango a mangan ken maki-in-inom ken no adda pannakabalinna ket liklikan dagitoy ti agturong kadagiti pagdudupudupan dagiti tattao.
Inlawlawagda a daytoy ket gapu ta basar kadagiti immunan a pasamak, ti negatibo a test ket saanna a kaipapanan a ti maysa a tao ket negatibo iti virus.
Impatalged ti task force salun-at a mapalukayan met laeng dagiti protocol iti kanito a makitada a natalgeden ti salun-at ti tunggal maysa.
Kabayatanna, impadanon ni Gob. Matthew Marcos Manotoc ti panagyamanna kadagiti frontliners ditoy probinsia kalpasan a kaad9doan a kaso ket dagus a naipankadagiti “isolation facilities ti probinsia.
(Ronald Domingo, RPN DZRL Batac Correspondent)
(Source: Provincial Government of Ilocos Norte)