Nahigitan ng Commission on Elections (COMELEC) ang target nitong voter turnout para sa Overseas Absentee Voting (OAV) nitong nakalipas na 2019 midterm elections.
Ito ay matapos maitala ng COMELEC ang 18.34% overseas absentee voter turnout o katumbas ng mahigit 334,000 overseas absentee voters.
Mas mataas ito sa naitalang 15.63% turnout noong 2013 midterm elections o katumbas ng mahigit 115,000 botante.
Ayon kay COMELEC director-in-charge for overseas voting Elaiza Sabile-David, mas interesado ang mga pinoy sa ibang bansa na makibahagi sa presidential elections na ginaganap kada anim (6) na taon.