Manamnama a maituloy ti mabiit dagiti tallo a dadakkel a proyekto ti gobierno probinsial.
Segun kenni Gob. Matthew Marcos Manotoc, kiniddawna iti Inter Agency Task Force wenno IAFT a mapalubusan ti gobierno probinsial a mangituloy iti Marcos Stadium, extension ti kapitolio probinsial ken iti Dap-ayan Commercial Center.
Imbatadna a malaksid kadagiti nsao a proyekto ket napinget ti tarigaygay ti gobernador a maituloy ti pannakapasayaat ti ‘’Three Generatio Park’’ a masarakan iti daya nga abagatan ti kapitolio probinsial.
Mamati ni Gob. Matthew Marcos Manotoc a no saan a gapu iti krisis a pinarnuay ti COVID-19 ket nalpasen ti nasao a proyekto.
Inlawlawagna nga adda plano ti gobierno probinsial a mangipasdek ti ‘’Food Park’’ iti La Tabacalera.
Kunana a daytoy ket naruay a kiddaw a maaw-awat ti opisina na a pannakaiyestablisar ti ‘’Night Life’’ iti sentro ti suidad ti Laoag.
Kabayatanna, pinasingkedan ti gobernador a nupay naruay a proyekto infrastraktura ti napasardeng gapu iti krisis ket awan ti nai-realign.