Tagsulti ni Dr. Arlene Felizarta, Asst. Provincial Administrator for Health Concerns nan Probinsia sa Surigao del Norte na jaon nay nakita na kilay-anan na matinuod an tagkabiruan bisan nan nasudnong IATF na possible gajod na mahitabo an tagtawag na Holiday Surge o kalit na pagsaka sa kahamukon nan mga kaso nan CoViD-19.
Kuman sa panahon nan ting bakasyon sa pagsaulog sa kaspaskuhan sanan pagsugat sa bag-ong tuig na tradisyunal na magtapoktapok sa mga kasaulugan,
Taglaong ni Dr. Felizarta na kuman ra daan, isa ka semana adesir an Pasko jaon nay naobserbahan na paghamok nan mga kaso sa CoViD-19 dinhi sa probinsia lakip na dinhi sa ciudad Surigao. (Jhino Parrucho, Ronda 10 RPN DXKS Surigao)