Davao Oriental – Gikasahan ug usa ka operasyon sa kasundaluhan og kapulisan ang panimalay sa usa ka residente sa Mati City human gireklamo sa mga silingan nga nagapabuto ug pusil ug kuno nagatago ug tag-as na mga kalibre sa pusil sa bisa sa usa ka search warrant nga gipagawas sa korte.
Nakigduyog ang kasundaluhan sa 28th Infantry (Kamagong) Battalion ubos sa pag dumala ni LTC. ALEXANDER D. BANATAO kauban ang mga personahi sa Military Intelligence Group (MIG) og mga ka pulisan nga gi dumalaan ni PLTCOL. BIMBO L. AYING, chief of police sa Mati City.
Sa gikasa nga operasyon gi implementar ang usa ka Search warrant matungod sa paglapas sa RA 10591 o gitawag nga “Comprehensive Firearms and Ammunition Regulation Act” batuk ni Gerald Paterno Martino @trong-trong sa iyahang panimalay sa purok milid, Brgy Tagabakid, Mati City, Davao Oriental.
Nakuha sa maong panimalay ang klase-klaseng mga tag-as nga kalibre nga mga pusil sama sa usa ka US 7.62mm M14 rifle, usa ka cal223-5.56mm R4, duha ka cal 5.56 M16, duha ka shotgun, usa ka Taurus PT738-380 ACP, usa ka granada, og Manag lahing magazine sa armas og lain-laing klase sa mga bala ingon man mga gamit sa mga armas og mga sudlanan niini.
Gikamahayan naman nga wala naaktuhan ang maong personahe sa iyahang panimalay sa panahon sa pagimplementar sa maong warrant ug nagpabilin nga gipangita sa mga otoridad aron tubagon ang paglapas sa balaod kabahin sa illegal possesion of Firearms.
Nagpasalamat naman ang kapulisan sa padayon nga pakipagalayon sa kasundaluhan sa 28IB isip proheba sa lig-on nga pakighiusa sa pagbantay sa kalinaw sa siyudad sa Mati ug sa tibuok probinsya sa Davao Oriental.
Ginawhag naman ang tanan nga kung kinsa ang naay impormasyon sa maong personahi nga makipagalayon sa kapulisan aron makatabang sa pagmentenar ug kalinaw sa mga komunidad sa pinalanggang siyudad ug ingon man sa probinsya sa Davao Oriental. CMO 28th Infantry Battalion