Gipangutana sa mga konsehal sila si Acting City Treasurer Nelson Alcala sanan City Budget Officer Marietta Samson kon kaya ba makahatag an kagamhanan sa cash incentive sa mga job orders sa tig ₱15,000.
Sa proposal ni SK President Janree Gonzales, Ex-Officio Member sa Sangguniang Panlungsod, an proposed cash incentive sa mga regular nga ₱ 20,000 kuhaan nan ₱ 5,000 himoon na ₱ 15,000. An ₱ 10,000 incentive sa mga job orders dugangan nan 5,000 aron mahimong ₱ 15,000.
Apan mibalibad si Acting City Treasurer Nelson Alcala, kini tungod kay waya maabot an 100% collection sa syudad sanan daku’g deperensiya an ihap sa regular sanan job orders. An 500 ka regular employees kon kuhaan nan tag 5,000 mokabat lamang sa 2.5 million pesos apan sa 5,000 ka job orders na dugangan nan 5,000 an ila incentive, nagkinahanglan an syudad nan 25 million pesos.
Sa suspension of the internal rules, tag-aprobahan hangtud sa 3rd and final reading an appropriation ordinance na mag realign nan tanan savings sa general fund aron mapundohan nan ₱ 55,671,000 para amoy gamiton sa ipanhatag na karajawan. Lakip na hatagan nan incentive an mga BHWs sa tig ₱ 2,000 sanan an mga barangay aide ug day care workers.
(RPN DXKS Surigao)
