Impakaammo ni Police Lt.Col. Relly Layug iti Ilocos Norte Police Provincial Office a nangrugin ti idadalan iti swab testing dagiti amin a kameng iti Phil. National police.
Segun kenkuana, daytoy ket tapno maikkat iti panagdudua wenno panagamak dagiti kameng ti pamilya da no naapektaran dagitoy wenno saan iti virus ti covid.
Gapu iti daytoy, nagyamanan met ni Col. Layug ti gobierno probinsial nga idadaulwan ni Gob. Matthew Marcos Manotoc iti pannakaiyemplementar ti swab testing kadagiti amin a kameng ti PNP.
Inadmitir ni Layug a dagiti kameng ti pulisya ti maysa kadagiti maritinir nga agbanbantay kadagiti borders ti Ilocos Nortre iti paset na ti Badoc, Pagudpud ken iti Nueva Era – Abra a mangmonmonitor kadagiti sumrek iti probinsia.
Nupay kasta, kunana nga awan met pay iti kameng ti pulisya a nagpositibo iti novel corana virus disease wenno Covid-19 ditoy probinsia.
Innayonna nga agtultuloy ti nasao a tignay kadagiti pannakabagi ti linteg tapno masiguro iti kinatalged dagitoy ken awn ti panagamak dagiti kameng ti pamilya da.
(Rosita Macalipis Cainggoy, RPN DZRL Batac Correspondent)
(Source: Ilocos Norte Police Provincial Office)