Radio Philippines Network
DZRL Batac News Provincial News

Surprise Inspection, Inyawat Ti BPLO Kadagiti Pasdek Negosio Iti Suidad Mainaig Iti Implementasion Ti Pannakasurot Ti Minimum Health Protocols Kadagiti Pasdek Negosio

Nagsursur itay bigat dagiti pannakabagi ti Business Permit and Licensing Office wenno BPLO ken ti pulisia kadagiti sumagmamano a pasdek negosio iti suidad ti Laoag.

Naimatanganda mismo nga adda dagiti saan a sumursurot a pasdek negosio kadagiti health protocols a naipalaon iti Executive Order 100-20 ni Governor Matthew Marcos Manotoc nga Updating the General Guidelines for Preventive, Mitigating and Remedial Measures against Covid-19 for Ilocos Norte under Modified General Community Quarantine wenno MGCQ nga inparuk-at ti Gobernador idi pay laeng October 24 iti daytoy a tawen.

Napalaon ti EO ti Gobernador a masapul nga amin a sumrek pakairamanan dagiti agpapaay ken empleado iti pasdek negosio kas koma ti supermarkets, department store, fast food chain, restaurant, RTW, Paggatangan kadagiti Accessories ken nadumaduma pay.

Masapol ti istrikto a pannakasurot ti social distancing, pannakalimitar ti bilang dagiti sumrek, pannakaala ti body temperature, alcohol para kadagiti ima, panag-logbook, panagsuot ti facemask ken face shield.

Adda dagiti naduktalan a saan a mangsursurot iti EO a rason a nabagaanda ken no saanda pay laeng a sumurot mapatawanda ti pannusa maibasar ti EO ti Gobernador saan laeng ti pasdek negosio no di ketdi payen ti indibidual a saan a mangsurot ti EO.

Malaksid pay daytsa, Makita pay nu adda pay sungsungbatan ti pasdek negosio nangnangruna ti permit ken lisensiana no adda nasalungasing iti pagannurutan seknan ti panag-negasio.

Immpela ni Antonio Bareng, mangidadaulo ti BPLO iti gobierno ti suidad iti naan-anay koma a kooperasion dagiti addaan ti negosio ken ti istrikto koma a panangkitada kadagiti sumsumrek kadagiti negosioda.

Masapol a maaramid dagitoy kas paset ti panangsaluad ti salun-at dagiti umili ken malapdan ti panagwaras ti virus. (OIC Rod Sadian, RPN DZRL Batac)          

(Source: Provincial Government of Ilocos Norte)

Related posts

Lease Agreement Tali Sa Primark Properties Sanan Surigao City LGU Para Sa Improvement Nan Surigao City Public Market Tagkapirmahan Na

RPN

Lahat Ay Dapat Mag-Ingat – Medical Surveillance Officer

RPN

DSWD DROMIC Report #142 on the Coronavirus Disease

RPN