Boluntaryong nisurender sa mga tinugyanan sa kapulisan an Wanted sa kasong PD 1096 kon National Building Code of the Philippines.
Nahitabo an pag surender kagahapong adlawa sa Surigao City Police Station sa alas 12:44 sa hapon.
Nakilay.an an akusado nga si Kent Joy Pedolin Parao, 36 anyos nga layaki, menyo, residente sa Bagong Silang 2, Brgy Washington, Surigao City.
An akusado nakalapas sa Sec. 301 sa PD 1096 ubos sa criminal case no. 24-20660 nga gi.isyu ni Hon. Maureen B. Feliza-Chua, Presiding Judge sa MTCC Branch 2, Surigao City pinetsahan Mayo 28, 2024 nga may girekomendar nga piyansa sa kantidad P12, 000.00 ka pesos.
An akusado an jaon kuman sa kustodiya sa Surigao City Police Station. (Mark James Lisondra)