Ang Surigao City Central Fire Station miresponde human madawat an alarma kainang alas 3:12 sa kaadlawon na may sunog sa Paredes Compound, Capitol Road, Brgy. Washington, Surigao City.
Nagsugod an kayajo sa bayay ni Mr. Felix Roy. Sumala pa ni Fire Inspector Abel Dubduban na miabot sa 3rd Alarm an sunog tungod kay an lugar residential houses.
Napayong an kayajo alas 4:14 sa kaadlawon diin naugdaw an walo ka bayay sanan isa an partially burned.
An sunog gibanabanang midamyos sa ₱7,732,500 ug wayay nakalas na kinabuhi. Siyam ka mga pamilya an apektado. An mga mirespondeng firetrucks amo an FT Rosenbauer, FT 911, 01, Tanker, San Juan, Sison FT, Sison FT, San Francisco FT, Taganaan FT, PDRRMO, CDRRMO, Surigao Filipino-Chinese Volunteer Fire Brigade. (Ronda 22, Janrelh Edera)