Maayong balita alang sa mga sumasakay sa barko dinha sa Port of Dipolog nga nahimutang sa Brgy. Galas tungod kay gilusad sugod Oktubre 11 ning tuiga, ang Free Shuttle Service alang sa mga “outbound” nga pasahero.
Nasayran nga ang maong inisyatibo ni Mayor Uy gi-implementar aron hatagan og kasayon ang mga sumasakay ug mahimong komportable ang mga pasahero dinha sa ilang pag-biyahe ilabina kay medyo adunay gilay-on ang Port Terminal Building ug ang rampa sa barko.
Ang Free Ride wala nagpasabot nga mawad-an na og panginabuhian ang mga porter sa barko tungod kay ang mga dagkong bagahe i-handle ra gihapon sa mga porter samtang ang mga pasahero lamang ug ang ilang gagmay’ng bagahe maoy ipahiluna sa shuttle. Prayoridad sa nasangpit nga serbisyo mao ang mga Senior Citizens, mabdos, PWDs ug mga bata.
Ang Free Ride magsugod sa alas 5:00 sa hapon hangtod sa 6:30 sa gabi-e, diin aduna kini biyahe matag 15 minutos.
Ang paglusad sa Free Shuttle Service sa pantalan sa Dipolog gila-oman nga makahatag og kaharuhay sa mga pasahero sa barko kinsa bu-ot mobiyahe alang na sa ilang mga katuyo-an ngadto sa laing lugar, partikular sa dakbayan sa Sugbo.
(Source: Dipolog City Government Facebook page)