Surigao: Van nga nagkarga nan ginabas na kahoy dakpan sa Hot Pursuit Operation sa kapulisan

0
8
(Photo courtesy of Mark James Lisondra)

Kalisang an tagbati sa mga residente sa Brgy. Siana, Mainit, SDN human makabati nan sunod sunod nga buto sa armas sa natigayong hot prusit operation nan RMFB sa misibat nga driver sanan pahenante sa van nga nagkarga nan ginabas na mga kahoy.

Base sa report nan Mainit MPs nga misibat an van human tagharang kini sa checkpoint diha partikular sa Regional Mobile Force Battallion sa Kitcharao, Agusan del Norte rason nga mitawag kini sa Mainit MPS para maflag down an nasampit nga van nga nagdaya sa plaka nga ZAF-4601 kinsa gemaneho sa driver nga si Rito Montil Jr., 33 aanyos nga taga Purok 13, Poblacion, Sibagat, Agusan del Norte sanan pahinanteng si Gerald Estillore, 31 anyos na layaki.

Tagbutyag ni PCPT Peter John Evangelista an hepe sa Mainit Municipal Police Station nga daling miresponde an mga kawane nan SDN 2nd Provincial Mobile Force Company iban an mga kawane nan Regional Mobile Force Batallion didto na sa Brgy. Siana, Mainit na flag down an van karga an 760 boardfeet nga kahoy nga nagkantidad sa kinatibuk.ang 127 mil 480 pesos nga kantidad sa ginabas nga kahoy.

Sunod sunod nga buto sa armas an nabati human mipahigayon nan warning shot an mga miresponding kapulisan human misulay sa pagsibat an duha ka mga suspek detenado na kuman sa kustodiya nan Mainit MPS an duha ka mga nadakpan na suspek. (Mark James Lisondra)

Leave a Reply