27.7 C
Manila
Friday, February 23, 2024

Surigao: Van Nadisgrasya Sa Sison Tungod Sa Danlog Na Dayan, Isa Sa Mga Pasahero Patay

- Advertisement -

Patay ang usa sa mga pasahero sa van nga kusog nagdagan, nodahili ang ligid sa basa nga aspaltadong highway ug nalamba sa punuan sa kahoy sa daplin sa highway kaganihang alas 7:20 sa buntag didto sa Purok 1, Brgy. San Pablo, Sison, Surigao del Norte.

Giila ang napatay nga pasahero sa van nga si Gena Larong Destajo, lumad taga Ipil Gigaquit Surigao Del Norte samtang luwas na ang lima ka laing sakay nga sila Jaztin Resimo Villamor, 24 taga Pananay-an, Placer; Charito Batac Destajo (bana sa namatay), 44 taga Sitio Bioborjan, Brgy. Rizal, Surigao City; Pedrito Bolonia Caneda, 62 taga San Isidro, Gigaquit; Peter Ranoco Avisado, 60 taga San Isidro, Gigaquit; Ramil Esperon Millanes, 36 taga Brgy. Ipil, Surigao City ug ang van driver nga si Dionesio Pardiñas Latorre, 49 years old, minyo nga taga Brgy. San Isidro, Gigaquit, Surigao del Norte nga dunay professional driver’s license. Nahospital usab ang fish vendor nga si Juvelyn Tigistigis Namalata, 31 years old taga Brgy. Rizal, Surigao City.
Ang silver Toyota Hi-Ace nga may plate no. A5B 926 kusog nagdagan gikan sa Claver paingon Surigao City samtang kining si Juvelyn nagsuroy ug isda gikan sa ilang gisakyang motorsiklo nga Kawasaki Barako 175 sa wala nga bahin kilid sa highway diin naigo usab ang nakaparking nga motor na may kargang mga isda. Nadasmagan siya sa van diin matud pa sa driver, nawad-an siya’g control sa manobela tungod sa danlog niadtong higayona ang kalsada gumikan sa ulan.

Sumala pa ni PSSg. James Alviso nga gisakay sa ambulancia ang vendor ingon man an driver sa van ug gidala sa Caraga Regional Hospital tungod sa serious injuries.
(Mark James Lisondra, Ronda 21 RPN DXKS Surigao)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -