Grabe an kalipay nan mga residente sa Brgy. Cagniog human nahidangat an People’s Day ni Mayor Pablo Yves L. Dumlao II kagahapong adlawa.
Mikabat sa 1, 678 an nahatagan nan libre nga serbisyo sama sa pag hatag nan libre nga eyeglasses sa mga senior citizen, vitamins para sa mga bata, binhi para sa mga mag uuma gikan sa City Agriculture Office ug pagpa rehistro sa City COMELEC Office nga maoy pinaka una nilang pagsalmot sa People’s Day.
Sa mensahe ni Mayor Paul Dumlao kagahapong adlawa dako an ija pagpasalamat sa mga line agencies ug sa mga katawhan human misuporta sa ija programa nga People’s Day.
Sa exclusibong pakighinabi kay Kapitan Romelo Ortiz nagkanayon nga sija nagpasalamat kay Mayor Paul Dumlao gumikan kay an mga serbisyo nga gitanyag sa mga katawhan sa Brgy. Cagniog amo nay miduol sa ilang barangay.
Nag turn over isab nan mga proyekto alang sa rehabilitation sa Brgy. Health Center sa kantidad P500, 000.00 pesos, rehabilitation of temporary treatment and monitoring facility sa kantidad P1, 600, 000.00 pesos, instalation of solar streetlights sa kantidad P1, 380, 000.00 pesos, repair classrooms sa kantidad P387, 000.00 pesos ug construction of super health center sa kantidad P11, 500, 000.00 pesos. (Mark James Lisondra)