Kuha sa CCTV camera ang usa ka lalake nga naka helmet nan itom, nagsu-ot nan short ug jacket nga puros itom.
Ang lalaki nga naa makita sa video misulod kini sa Harley’s Store nga nagbaligya nan mga “dry goods ug fashion accessories” nga naa makita sa daplin highway Purok 3, Brgy. Bad-as, Placer, Surigao del Norte.
Ang maong lalake, nagpili-pili kunuhay kini og naglingi-lingi pa, dayon abli zipper sa bag ug giku-ot nga nakuha ang wallet, dayon balik og pili-pili daw ingnon.
Usa ka tindera nga nakilay-an nga si Pauline, hingkod na pangidaron ug buntis kini.
Matud pa, iya lamang nabilin ang bag sa iyang area sanglit naa raman sab siya sa tindahan og niadtong higayona naa lamang siyay gikuha sa pikas area og pagbalik niini, pila ka minuto ang milabay iyang nasayran na wala na ang iyang wallet sa bag nga adunay sulod (8k) ka pesos og pagsusi niini lakip usab ang iyang kwentas nga alahas nga naa sa (6k) ang kantidad.
Diha-diha naalarma si Pauline, og dayon report sa otoridad niadtong higayona, og tagsusi ang cctv camera sa tag-iya nan Harley’s Store, mao kini ang nakita nga lalake. (Mark James Lisondra)