Biyernes na adlaw, Oktobre 11, 2024, gipahigayon ang orientation sanan pag pirma sa mga kontrata sa mga napili na benepisyaryo sa Tulong Panghanapbuhay sa Ating Disadvantaged/Displaced Worker (TUPAD) Program.
149 ka benepisyaryo gikan sa Pantawid Pamilyang Pilipino Program (4Ps), Solo Parents, sanan LTPC-TESDA Graduates ang mudawat nan P3,850 ka pesos. An kada isa sa ila muserbisyo o mag trabaho sa ila barangay sanan mga opisina sa Lokal na Panggamhanan suyod sa napuyo (10) hangtud sa kinse (15) ka adlaw.
Ni tambong sa orientation si City Legal Officer Atty. Lex Joshua Andrew U. Silvosa, Public Employment Service Office (PESO) Manager Arciacel Lagrama, kaiban an TUPAD Coordinator na sila Evangeline Orias, Jhon Rey Felecio, sanan Ann Revil. Naghatag sab nan orientation ang Surigao del Norte Department of Labor and Employment (DOLE) kabahin sa Occupational Safety sanan Health.
An TUPAD isa ka community-based program nan DOLE na naghatag nan temporaryong trabaho sa mga kabos o mga lumulupyo na naapektohan sa krisis o mga katalagman.
(Source: Surigao City PIO)