Aksidenting nagka sungag an isa ka puti nga Toyota Hilux Pick Up nga may plate no. ZAA 8048 nga gimaneho ni RONNIE VALENTINO URBIZTONDO TELLO, 61 anyos, government employee, residente sa Roxas St., Surigao City nga may duha ka pasahero ug isa ka Red/ Yellow Yamaha STX TRICYCLE nga may plate no. 7402 OF, nga wayaybpertinent documents, gimaneho ni RICKY UGAY IGNALIG, 53 anyos, maenyo, driver, residente sa Brgy. Poblacion, Bacuag Surigao, del Norte sakay an upat (4) ka pasahero nga sila ni
1) THELMA LISBOS TADLAS, hingkud an pangidaron, menyo, housewife, residente sa Brgy. Poblacion, Bacuag Surigao del Norte;
2) JENITA ORMEGA LACRE, 33 anyos, menyo, residente sa Brgy. Patino, Taganaan, SDN;
3) GENEROSA ORMEGA LACRE, hingkud an pangidaron, residente sa Brgy. Patino, Taganaan, SDN; ug
4) isa ka Menir de edad bga waya na pangayani pa. (true name withheld).
Sa inisyal nga imbestigasyon ni PMSgt. Ceasar N Cagas pinaagi sa pagpadayag sa testigo nga si Mr. Rodel N. Ayag, nasayran nga si Toyota hilux gikan sa Tandag, Surigao del Sur pasingod sa Surigao City hampan an Tricycle gikan sa Poblacion, Bacuag, Surigao del Norte pasingod sa Brgy. Campo, Bacuag, SDN.
Pag-abot sa National Highway sa Brgy. Poblacion, Bacuag kung diin nahitabo an disgrasya, an Tricycle ni tabok sa pikas lane aron mo parking apan an Toyota hilux paspas nga nagsingabot nga miresulta sa pagka dasmag sa duha ka sakyanan.
Tungod sa ka kusog sa impact an Toyota hikux nabaliskad sa sementadong bahin sa karsada ug naigo sa poste sa suga sa kadayanan ug mga kable nga alambre.
An mga drayber ug mga pasahero sa Toyota hilux ug Tricycle naka angkon ug samad sa managlahing bahin sa lawas ug gidaya sa Provincial Hospital aron matambalan samtang an mga sakyanan nga nalambigit jaon pa sa nahisgutang lugar. Isa sa mga pasahero sa Tricycle nga si Thelma L. Tadlas an gideklarang dead on arrival pinaagi na sa attending physician. (Mark James Lisondra)