Nadakpan sa joint operation nan mga personahe sa San Benito MPS ug Bantay Dagat an isa ka mananagat ug duha ka menor de edad human nakalapas sa Municipal Ordinance No. 089-16 kon Comprehensive Municipal Ordinance Fishery Code of San Benito.
An mga suspek isa ka 38 anyos nga layaki ug duha ka menor de edad nga waya na pangayani pa, parehong residente sa Brgy. Caub, lungsod nan Del Carmen.
Nakompiskar gikan sa posisyon sa mga suspek an spear gun, goggles, flippers, puti nga pump boat, floating baskets, ug 200 ka kinhason nga nailhan sa lugar nga “SAANG,” nga jaoy gibanabana sa kantidad P1,000.00 ka pesos.
An mga dinakpan ug nasakmit nga mga ebedensiya jaon kuman sa kustodiya sa San Benito Municipal Police Station, diin an mga menor de edad tukma nga gibalhin sa Women and Children’s Protection Desk alang sa dugang nga mga kaso. (Mark James Lisondra)