Surigao: Trabahante sa peryahan nadakpan sa buy bust operation sa kapulisan

0
9
photo courtesy by Mark James Lisondra

Malampuson nga nadakpan an isa ka trabahante sa peryahan sa gulisad nga drug buy bust operation sa mga tinugyanan sa kapulisan sa Pilar sa pagpanguna ni PLT Jun Jireh C. Arsenio.

Nahitabo an pagkasikop jadton Hunyo 21, 2024 mga alas 4:00 nan hapon nga an suspek isa ka 47 anyos nga layaki ug residente sa Purok 1, Brgy. Maasin, lungsod nan Pilar, Surigao del Norte.

Nasakmit sa posisyon sa suspek an:
• Isa ka transparent plastic sachet sa suspected shabu nga gipalit pinaagi sa poseur buyer;
• 14 ka transparent plastic sachet sa suspected shabu nga diin an tanan droga nga nasakmit an gibana-bana motimbang sa kapin kon kuyang 20 grams sa kantidad P136, 000 ka pesos
• Isa ka unit nga .45 caliber pistol nga may magazine
• Isa ka genuine nga One Thousand peso bill P1,000.00 ug duha kabuok P20.00 peso bill
• Coin purse nga may suyod nga buy bust money
• Gamay nga box ug may suyod nga mga suspected shabu
• Tuyo kabuok disposable lighter
• Isa ka improvised water pipe

An dinakpan nga suspek an jaon kuman sa kustodiya sa Pilar MPS ug an mga ebidensiya nga nasakmit giturn-over ngadto sa Investigator alang sa kaso nga isumiter sa SDN Forensic Unit.

Mga kaso sa paglapas sa Section 5 (Selling of Dangerous Drugs), ug Section 11 (Possession of Dangerous Drugs) sa Article II, RA no. 9165 isip pagpangandam sa pagpasaka sa inquest proceedings batok sa dinakpan nga suspek. (Mark James Lisondra)

Leave a Reply