28.8 C
Manila
Monday, February 26, 2024

Surigao: Top 2 ug Top 3 Most Wanted sa Probinsiya sa Surigao del Norte nasikop

- Advertisement -

An mga operatiba sa kapulisan sa Provincial Intelligence Unit (PIU) iban sa Surigao City Police Station ug Regional Maritime Unit 13, nasikop an duha ka most wanted person sa probinsiya sa Surigao del Norte, kinsa gipasakaan ug duha ka kasong robbery ug attempted murder.

Dugang pa, gidakop sa kapolisan sa Gigaquit ang nag-unang tulo ka mga wanted person sa probinsiya tungod sa krimen nga frustrated murder.

Giila ni Police Colonel Laudemer M. Laude an mga akusado nga si alyas “Aki,” 47-anyos nga menyo, construction worker, nagpuyo sa Surigao City, ug alyas “Nito,” 36-anyos nga ulitawo, wayay trabaho, residente sa Gigaquit, Surigao del Norte.

Si alyas Aki gipasakaan ug 3 counts alang sa krimen sa pagpanulis ug pagpatay nga nahitabo sa Purok 8, Sitio Cayutan, Brgy. Cagniog, Surigao City ubos sa criminal case numbers 17212, 17215 ug 17171.

An Regional Trial Court, Branch 30, niisyu sa warrant of arrest sa krimen sa pagpanulis jadton Disyembre 22, 2023 nga may girekomendar nga piyansa sa kantidad P100,000.00 kada isa.

Samtang, an Regional Trial Court, Branch 32, niisyu sa ija warrant of arrest tungod sa attempted murder nga kaso nga nahitabo jadton Enero 30, 2023, nga may girekomendar nga piyansa sa kantidad P120,000.00.

Laing manhunt operation nga gihimo sa kapulisan sa Gigaquit mga alas 4:00 sa hapon nga miresulta sa pagkasikop sa Top 3 most wanted sa probinsiya tungod sa frustrated murder sa Purok-7, Barangay Villaflor, Lungsod sa Gigaquit, ubos sa Crimimal Case No. 17302.

An warrant sa pagdakop sa ija giisyu sa Regional Trial Court (RTC), 10th Judicial Region, Branch 29, Surigao City jadton Pebrero 6, 2024, nga may girekomendar nga piyansa sa kantidad P200,000.00.

An mga dinakpan an jaon sa kustodiya sa SDN PPO Provincial Intelligence Unit (PIU) ug Gigaquit Municipal Police Station alang sa tukmang disposasyon.

(Mark James Lisondra, photo courtesy by SDN PPO)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -