Nakaangkon sa dakong kadaut an isa ka Sports Utility vehicle kon SUV human nga nadasmagan kini sa motorsiklo sa natigayong insidenti sa kadayanan diha sa may Rizal st sa Brgy. Washington, SC pasado alas 9:26 sa buntag kagahapong adlawa
Daling mirespondi an kapulisan sa Traffic Section sa natigayong bangga sa duha ka sakyanan kinsa nakaangkon sa dakong kadaut sa left side nga pultahan an SUV human kini nadasmagan nan motorsiklo nga Suzuki Smash 115 nga gimaneho ni Marnel Gordonas Tabacon, 35 anyos, layaki, menyo, residente sa Purok1, Barangay Banbanon, (Anao-aon), San Francisco, SDN.
Sumaya pa nga imbis nakaparada lang an SUV nga mipaliko na unta pawaya apan nadumbol sa motor hinungdan sa naangkon damyos.
Nadaya sa rescue team sa Quick Action Response Team an driver sa motor sa naangkon isab nan mga pangos sanan bun.og sa lawas apan sa nasayran nga nagkasinabot na kini tali na sa driver sa SUV nga tubagon an pagpatambay bugti na sa dili na pagduso nan kaso sa nalambiggit sa disgrasya.