Mainit, Surigao del Norte – Nadakpan sa mga tinugyanan sa kapulisan sa Mainit an suspek sa pagpangawat sa Globe tower nahimutang Purok Everlasting, Barangay Quezon, Mainit, Surigao del Norte.
Gi-verify ug girespondehan sa kapulisan an lugar sa insidente ug nasayran na miikyas an suspek sa waya masayri na direksyon.
Pinaagi sa paningkamot sa mga otoridad sa kapulisan ug sa mga Barangay Tanod, nasikop an suspek nga diin isa ka 23 anyos na layaki, helper, residente sa Purok-1, Barangay Cantugas, Mainit, Surigao del Norte.
Nakuha gikan sa suspek an isa ka backpack color pink na jaoy box-end wrench tool ug isa ka bolo.
An dinakpan na suspek ug mga nakuhang butang an jaon sa kustodiya sa Mainit Municipal Police Station alang sa tukmang disposasyon. (Ronda 21 Mark James Lisondra, photo courtesy of SDNPPO)