Burgos, Surigao del Norte – Mag atubang an 51 anyos na layaki sa kasong paglapas sa Republic Act 11038 o mas nakilay.an na Expanded National Integrated Protected Areas System Act of 2018.
An suspek isa ka mag-uuma ug residente sa Purok Mangga, Barangay Poblacion 2, lungsod sa Burgos, Surigao del Norte.
Nasikop sa mga personahe ug mga representante sa Provincial Environmental and Natural Resources Office (PENRO) an suspek.
An suspek nasakpan nga nagbitbit sa ija posesyon nan 14 ka sako nga puti na balas nga gikuha gikan sa baybayon.
Gitino sa Burgos MPS an kinatibuk-ang pagkumpiska sa nakuha na white sand na jaoy 14 ka sako ug gibana-bana sa kantidad P420.00.
Sa laing bahin, an dinakpan an jaon sa kustodiya sa Burgos Municipal Police Station iban sa mga nakuhang white sand alang sa tukmang disposisyon ug mag-atubang ug kasong legal na ipasaka batok sa ija ngadto sa korte. (Ronda 21 Mark James Lisondra, photo courtesy of SDNPPO)