Ang Department of Education Surigao City Division sa pag panguna ni Schools Division Superintendent Dr. Marilou B. Dedumo, mi-adopt sa Indigenous People’s Education (IPED) Program para sa atong mga kaigsuonang Mamanwa ug Badjao, uban sa dakong suporta nan City Government of Surigao ug nagka daiyang Stakeholders sa siyudad.
Ang Indigenous People’s Education, programa nga tugon sa DepEd ngadto sa katungod sa mga katigulangan o lumad (IP) sa basic nga edukasyon nga makasabot sa ilang kultura, nagtahud sa ilang pagkakakilanlan, ug nagsuporta sa kahalangdon sa ilang mga tradisyon, mga abilidad, ug uban pang bahin sa ilang kultura nga panerbisyo.
Gipahigayon karon na adlaw, October 17, 2023, ang isa ka dialogue or pagsinabtanay alang sa pag implementar sa maong programa.
Mitambong sa maong Dialogue for Implementation Program si City Mayor Pablo Yves L. Dumlao II, City Vice Mayor Alfonso S. Casurra, sanan si City Councilor ug Chairman on Education Joshua S. Geli.
Imbetado sab ang mga nagka lain-laing stakeholders nga involve ug dakong tabang sa maong programa sama sa City Social Welfare and Development (DSWD) nga responsable sa pag protektar ug kaayuhan sa mga Badjao, National Commission on Indigenous People’s (NCIP) alang saila mga maayung katungod, Technical Education and Skills Development Authority (TESDA) para sa pag hatag ug oportunidad nga ma develop ang ilang skills pinaagi sa ila ihatag nga mga kurso, Higher Education Institutions (HEIs) nga muhatag ug oportunidad nga makakuha sila ug mga degree nga kurso, anaa sab mi suporta ang Department of Health (DOH) alang sa ila sanitasyon ug hygiene, Department of Trade and Industry (DTI) para sa pag provide ug oportunidad para sa capacity building sa paghimo ug handicraft ug entrepreneurial activities, Department of Environment and Natural Resources (DENR) sa pag provide ug technical assistance para sa paga himutangan sa ila skwelahan ug sa pag develop niini, Department of Tourism para sa pag provide sa teknikal ug pinansyal nga assistance para sa paghimo ug eco-tourism destination, ug ang Philippine National Police (PNP) alang sa kahapsay sa kumunidad.
(Source: Surigao City PIO Facebook page)
