Mayor Pablo Yves L. Dumlao II kaiban an Malasakit Center Operations Manager Mr. Lou Francis P. Solana nan Caraga Regional Hospital sanan CSWD Officer Lenie S. Liray nagkatapok kuman na adlaw, July 19, 2023, sa City Mayor’s Office.
Gi-hisgotan nila an assistance na tag-allocate ni Senator Ronald “Bato” dela Rosa sa kantidad nga P1 Million ka pesos na medical assistance sa mga pasyente na nagkinahanglan nan tabang pinansyal sa probinsya nan Surigao del Norte sanan sa probinsya nan Dinagat Island.
Sa kinatibuk-an na panagstorya kinasingkasing na nagpahayag nan pasalamat si City Mayor Paul Dumlao, sa gihatag na suporta ni Senator dela Rosa pinaagi sa paghatag nan allocation sa Malasakit Center sa Caraga Regional Hospital isip Medical Assistance for Indigent Patients kun tagtawag na MAIP.
Ang MAIP isa ka DOH program para makahatag nan pinansyal na suporta para sa mga indigenous nato na mga kaigsoonan na nagkinahanglang nan medical examination, consultation, treatment, sanan rehabilitation, pati na sa mga na confine sa hospital.
Salamat Karadjaw, Senator Bato sa imo allocation sanan tabang para sa mga Surigaonon!
(Source: Surigao City PIO Facebook page)