General Santos City – Nagkadaghan matud pa karon ang food waste o ang gibasura nga mga pagka-on sa Landfill ning dakbayan sa Gensan, subay sa nakaabot nga kasayoran sa Committee on Health sa City Council ning s’yudad sa General Santos.
Kana gayud ang hinungdan nga pinaagi sa usa ka Resolusyon gihangyo karon sa Sangguniang Panlungsod (SP) ning dakbayan si Mr. Ferdinand Pareja- ang kasamtangang labaw sa Waste Management (WMO) nga mohimo’g imbestigasyon niini aron mabuhatan kini’g lokal nga balaud sa umaabot nga mga adlaw.
Gihatag ang maong kamando-an subay sa Proposed Resolution No. 2023- 02574.
Kini aron matud pa kapugngan ang pagsayang o paglabay ug mga pagka-on sa gikan sa mga kabalayan ug mga residente sa Gensan, hilabi na ning panahona nga hilabihan ka mahal ang mga produkto sa pagkaon. (Rem Agdon)