Detenado sa Surigao City Police Station an isa ka Security Guard sa kasong RA no. 7610 kon Child Abuse. Nahitabo an pag aresto kagahapong adlawa sa KM 3, Brgy. Luna, Surigao City sa alas 7:41 sa buntag.
Nakilay.an an akusado nga si EFRAIN CULMINAS ESPIEL , 32 anyos, menyo, security guard, residente sa P-3, Brgy. Poctoy, Surigao City.
An akusado an may Warrant of Arrest ubos sa criminal case no. 17596 nga gi.isyu ni Hon. Ferdinand R. Villanueva, Acting Presiding Judge sa RTC Branch 29, Surigao City, pinetsahan Hunyo 26, 2024 nga wayay girekomendar nga piyansa.
An akusado an jaon sa kustodiya sa Surigao City Police Station. (Mark James Lisondra)