Nakilay.an na an namatay na biktima sa disgrasya sa motor nga nahitabo jadton Hulyo 25, 2024 sa alas 3:15 sa kadlawon sa Purok 4, Brgy. San Roque, siyudad nan Surigao.
Kagahapon sa hapon Hulyo 26, 2024 sa ala 1:30 an takna hapon an inahan sa biktima nga si Engracia Resmondo Bobo midangop sa kapulisan ug nagpahibayo na positibong giila an ija anak nga namatay nga si RAFFY RESMONDO BOBO, 21 anyos, ulitawo, residente sa Brgy. Mat.i, siyudad nan Surigao nga maoy nalambigit sa nasangpit na fatal vehicular accident.
Kung mahinumduman isa ka motorsiklo an nagbiyahe gikan sa Purok 4, Barangay San Roque pasingod sa Barangay Mat-I.
Pag abot sa dayan Purok 4, Brgy. San Roque sa kurbada sa dayan, an rider ni lapos sa pikas lane gumikan sa kakusog sa jagan dajon nibangga sa shouldering.
Tungod sa impact, nakaangkon ug damages an motor ug grabeng samad an naangkon sa rider.
An rider gidaya sa Caraga Regional Hospital pinaagi sa mirespondeng mga personahe sa QART apan gideklarar nga dead on arrival mga alas 3:26 sa kaadlawon pinaagi sa attending physician.
Sa pagka kuman an patay’ng lawas sa biktima an jaon kuman naka haya sa Nilo Funeral Services.
(Mark James Lisondra)