El Coast Guard District Southwestern Mindanao (CGDSWM) exitosamente ya conduci dos dias 2nd Quarter Swimming Qualification Test (SQT) para del personajes del CGDSWM.
Asegun con el CGDSWM, el entreno ya conduci na quartel del Cuardia Costera del Filipinas na ciudad de Zamboanga desde Julio 25 hasta 26.
El entreno que ya inicia si Commodore Marco Antonio Gines, el comandante del CGDSWM, tiene el objetivo para eleva y sustene con el proficiencia de nadada del mga personajes del CGDSWM.
Asegun con el CGDSWM, el mga participantes ya nada un agotada 800 metros demostrando de ila fuerza y resistencia.
El avaluacion hinde lang ta midi el capabilidades pero tambien ya reafirma del inquebrantable compromiso del CGDSWM para el seguridad maritima y preparacion operacional. (B. Garcia)