Nakaplagan na waya nay kinabuhi an isa ka 61 na layaki suyod sa ija bayay sa Purok Sentro, Dubduban Compund, Brgy. Rizal, syudad nan Surigao.
Nakilay-an biktima nga si Pedro Besario Penados, menyo, retired National Finance Director sa Boy Scouts of the Philippines, residente sa nahisgutang lugar.
Basi sa inisyal na imbestigasyon ni PMSgt. Renie Cavite nasayran nga nakit-an an patay’ng lawas sa biktima suyod sa ija kwarto nga nag buy-od ug nanimaho na sa palibot sa maong lugar.
Dugang pa sa imbestigasyon nga an biktima an jaoy samad dinuggaban sa ija dubdub sanan tijan nga nahimong rason sa ija kamatayon.
Sa pagka kuman an patay’ng lawas sa biktima an jaon kuman naka haya sa St. Peter Funeral Homes. (Mark James Lisondra)