Pormal ng giabrihan an Provincial Swimmimg Pool sa Provincial Grandstand. An maong re-opening gipangulohan ni Governor Robert Lyndon Barbers kaiban an School Division Superintendent Marilou Dedumo Surigao City ug si School Division Superintendent Karen Galanida Surigao del Norte, Provincial Admistrator Atty. Rise Faith Recabo, Councilor Karl Duane Casurra, Engr. Joey Martinez sa Provincial Engineering Office, ug mga atleta sa probinsiya.
Sa mensahe ni Governor Lyndon Barbers dinhi nija tagpasabot na dili ini grand opening apan re-opening kay tungod igo lamang ini girehabilitate an maong swimming pool. Nagpasalamat ug nanghinaot isab si Governor Barbers ngadto sa mga atleta sa probinsiya sa Surigao del Norte na makakuha nan gold sa umaabot na si Regional Athletic Meet ug Palarong Pambansa.
Dugang pa ni Governor Barbers na libre an swimming pool para sa mga atleta batok sa ila training. Mapasalamaton ug nalipay si School Division Superintendent Marilou Dedumo ngadto na kay Governor Barbers human may magamit sa mga atleta sa gustong mag training sa swimming pool.
News and photo courtesy: Mark James Lisondra