Surigao City – Gidaya sa Caraga Regional Hospital ang isa ka Police Officer sa mga miresponding personahe sa Quick Action Response Team human kini aksidenting nadisgrasya sa gemanehong motor sa dihang gipalid kini sa makusog na hangin.
Nahitabo ang insidente mga alas 5:30 nan hapon sa National Highway, Sitio Tumanday, Brgy. Rizal, Surigao City.
Nakilay.an an biktima nga si PSSgt. Enecito Asaytona Maglinte Jr., 41 anyos, menyo, residente sa Purok 4 Guiasan, Magallanes, Agusan del Norte.
Na verify isab ang ija motor nga gigamit nga isa ka black Honda XRM125 nga may plate no. 4250LN.
Sa inisyal nga imbestigasyon ni PSSgt. Alex Fuentes nasayran nga si PSSgt. Maglinte nagbiyahe sa National Highway sa Sitio Tumanday, Brgy. Rizal pasingod sa Regional Training Center sa Brgy. Lipata gamit ang ija motorsiklo hampan sa dihang niliko sa kurbadahong nga bahin sa karsada, kalit nga nibutho ang kusog nga huros sa hangin hinungdan nga nawad-an sija ug kontrol sa ija gimaneho nga motorsiklo dajun natumba sa sementadong dayan.
Tungod sa impact, si PSSgt. Si Maglinte nakaangkon ug grabeng samad sa uyo nga gidaya sa miresponde nga personahe ngadto sa Caraga Regional Hospital aron matambayan. Sa pagka kuman padajun pang giatiman sa hospital ang biktima. (Ronda 21 Mark James Lisondra, photo courtesy by PSSgt. Alex Fuentes)