Kita sa CCTV footage an isa ka pick up truck na Nissan Navarra na may plate no. GAD 2954 na gimaneho ni Meguel Tayogan Arsenal Jr., 37 anyos na layaki, menyo, security guard, residente sa Purok-4, Barangay Togbongon, siyudad nan Surigao human aksidenting midasmag sa lima ka mga sakyanan nga nag parking daplin sa dayan sa may Km. 2 National Highway, Payawan 2, Brgy. Luna siyudad nan Surigao.
Nahitabo an insidente mga kapin kon kuyang 1:30 an takna sa kadlawon kagahapong adlawa Agosto 2, 2024.
Nadamay sa aksidente an isa ka color blue na Puso Canter Mini Dumptruck na may plate no. ACC 1136 na gipanag-ijahan ni Arthur L. Palmero, 6278 Burgos Ext. Barangay Washington, siyudad nan Surigao.
Isa ka Gray Honda Beat 125 motorcycle na wayay plate no. na gipanag-ijahan ni Mr. Romel Culis Tolibas.Â
Is ka black honda XRM na gipanag-ijahan ni Alfritz Dela Costa Casera, 32 anyos na layaki, private employee, residente sa Payawan-2, Barangay Luna, siyudad nan Surigao.
Isa ka Matte Green Yamaha Mio Gravis 125 motorcycle na gipanag-ijahan ni Fritzell Dela Costa Casera, 32 anyos na layaki, male, government employee, residente sa Payawan-2, Barangay Luna, siyudad nan Surigao.
Is ka Yellow Piaggio (Bao-bao) PUV, na may body no. H-0135 na gipanag-ijahan ni Alden Culis Casera, driver, residente sa Payawan-2, Barangay Luna Surigao City.
Sa imbestigasyon nasayran nga an mga sakyanan naka parking daplin sa dayan sa Km-2, Payawan-2, Barangay Luna hampan an pick up truck nag jagan gikan sa siyudad pasingod sa Brgy. Togbongon.
Pag-abot sa lugar kung diin nahitabo an insidente atbang sa Prime Water an pick up truck misimang sa tuo na dayan tungod sa ka danlog human nakasinati nan makusog na uyan deretso pasingod sa shouldering ug aksidenteng nibangga sa mga nahisgutang sakyanan.
Tungod sa kusog pagka dasmag nakaangkon ug dakong damages an tanang sakyanan nga nalambigit. Hinuon wayay naangol sa maong insidente. Nagkasabot ra isab an duha ka partido alang sa mga gastohon sa mga damages.
(Mark James Lisondra)