Sa kinatibuk.ang 2016 an nakatagamtan nan libre na serbisyo sa gipahigayon na People’s Day Year 2 sa Brgy. Sabang siyudad nan Surigao kagahapong adlawa.
Gidagsa katawhan an buhatan sa City Health human may mga libre na check-up, tambay, dental check-up, sanan libre na ibot sa ngipon.
Dako isab an kalipay sa mga Señior Citizen human libre an reading glasses gikan sa Surigao Optometric Society maingon man an pag hatag nan libre na mga seedlings sa mga katawhan gikan sa City Agriculture Office.
Mipaabot nan ija dako na pasalamat si Kapitan Arnel Delan sa nagpalujo nan People’s Day Year 2 hilabi na kay Mayor Paul Dumlao na amoy nagpa-siugda sa maong programa.
Nagpakita nan suporta ug nagpasalamat si Councilor Joshua Emilio Geli human waya makalimti an Brgy. Sabang. Amo ini isab an unang pagtambong nija sa People’s Day Year 2 sa administrasyon ni Mayor Paul Dumlao.
Mitambong isab sila isip pagsuporta sa programa sila City Vice Mayor Alfonso S. Casurra, City Councilor Karl Duane Casurra, Liga Ng Mga Barangay President Florenillo Ravelo, Sangguniang Kabataan Federated President Jenelyn Edulzura, City Legal Officer Atty. Lex Joshua Andrew Silvosa, City Budget Officer Atty. Jeffrey Galido, mga Brgy ug Sk Officials sa Brgy. Sabang. (Mark James Lisondra)