Malampuson ang gipahigayon na People’s Day Program ni Mayor Pablo Yves L. Dumlao II didto sa Brgy. Anomar kuman na adlaw, Hunyo 11, 2024.
Ni total sa 1,229 ka mga residente sa Brgy. Anomar ang mga ni-avail sanan na libre sa mga serbisyo na tagdaya nan People’s Day Year 2.
Taas ang pila sa opisina nan PhilHealth para sa mga nagkuha sanan nag renew nan ila mga I.D. Didto personal na mitambong sa programa ang PhilHealth Regional Vice President Michael Jibson C. Hernandez sanan Surigao City PhilHealth Branch Manager Sheila M. Lisondra.
Hamok ang naka kuha nan mga libreng seedlings sanan mga tanom na mga prutas gikan sa City Environment and Natural Resources Office (CENRO) sanan City Agriculture Office.
Si City Mayor Pablo Yves L. Dumlao II didto mitambong sa programa kaiban nija si City Vice Mayor Alfonso Casurra, City Councilor Christian Noel Catre Jr., City Councilor Karl Duane Casurra, Liga Ng Mga Barangay Florenillo Ravelo, sanan Sangguniang Kabataan Federated President Jenelyn Edulzura.
Dako an pasalamat ni Mayor Dumlao sa mga opisyales sa Brgy. Anomar sa pag panguna ni Kapitan Ernesto M. Sumampong hilabi na gajud sa mga katawhan sa dako sanan init na suporta sa People’s Day Program Year 2. (Mark James Lisondra)