Niabot na gajud sa Brgy. Day-asan ang taghuyat na People’s Day program ni Mayor Pablo Yves L. Dumlao II, diin tagpaabot nan mga kabaranggayon ang mga libreng serbisyo gikan sa City Government of Surigao sanan nagka lain lain na organisasyon.
Duha rakan ka barangay ang waya pa mabisita nan People’s Day pero nag bunga na ang tanan kahago sa mga lumilihok nan People’s Day, kay makita man sa mga wayong nan mga nanay sanan tatay ang kalipay na nakadawat nan libreng medical check-up.
Nalipay ang mga tag-ija sa mga iro kay nalibre ila alaga nan injection sa anti-rabies sanan napa himutuan gikan sa serbisyo sa departamento nan City Veterinary Office.
Waya sab nila palabja ang perme gipilahan nga mga libreng serbisyo na tuli, bunot sa ngipon, ultrasound, tambay ug uban pa gikan sa departamento nan City Health Office.
Makita gajud nga suportado nan katawhan ang People’s Day program kay bisan paman sa kainit sa panahon ug taas nga pila, nagpabilin sila para ila gajud makuha ang gusto nila e-avail nga serbisyo.
Hapit na gajud malibot ang 54 ka barangay! Walay puas nga pasalamat sa ijo suporta mga Batang Surigaonon!
(Source: Surigao City PIO Facebook page)