Surigao: Orientation sa Accountability Mechanism sanan Provincial Referral Pathway alang sa Gender-based Violence sanan Child Protection Cases gipahigayon

0
4
(Photo courtesy of Mark James Lisondra)

Gipahigayon an isa ka Orientation on the Accountability Mechanism sanan an Provincial Referral Pathway alang sa Gender-Based Violence ug Child Protection Cases sa EY Suites, na tagpangulohan ni Ms. Jessel D. Buo sanan Ms. Geselle O. Lerona sa EY Suites, Borromeo Street niining siyudad.

An Ini na aktibidad naghatag nan atensyon sa pagdugang sa kamalayan sa mga stakeholders bahin sa paglungtad nan ini na mga mekanismo sanan dayan para masiguro na an tanan makahibayo kun hai sanan unsaon pag-report sa mga kaso sa gender-based violence sanan child abuse.

An orientation gitambongan sa 30 ka miyembro sa Barangay Council for the Protection of Children (BCPC) gikan sa mga LGU sa Taganaan, Placer, sanan San Francisco. An kalihokan gipundohan sa Islamic Relief, isa ka NGO na naghatag nan suporta para sa kalinaw sanan kaayohan sa komunidad.

Sa ini na kalihokan, gihatagan nan pagtagad an mga proseso sanan mekanismo sa pag-report sa mga insidente sa gender-based violence sanan child protection cases para masiguro na jaoy klaro sanan episyente na pamaagi sa pag-atiman sa mga biktima sanan sa pagpatuman sa hustisya. An mga partisipante gitudloan sab sa pagpaigting sa ila mga katungdanan sanan responsibilidad para mapalambo an ila mga kakayahan sa pag-atiman sa mga biktima sa ila tagsa-tagsa ka mga komunidad. (Mark James Lisondra)

Leave a Reply